Сонгодог урлагийн эх орон болсон Италийн соёлын өдрүүд нийслэл хотод маань маргааш болох гэж байна. Уг арга хэмжээг Үндэсний соёл амралтын хүрээлэн “Орон орны соёлын өдрүүд” хөтөлбөрийн хүрээнд Монгол, Италийн Боловсрол, соёл судлалын төвтэй хамтран зохион байгуулахаар зэхжээ. Энэ сарын 16-нд буюу маргааш 12.00 цагт хийх нээлтээ хийх “Италийн соёлын өдөр” бүтэн өдрийн турш үргэлжлэх аж. Тус өдөрлөгийн хүрээнд “Сэргэн мандалтын үеийн дүрслэх урлаг” сэдэвт үзэсгэлэн, чөлөөт хэлэлцүүлэг, “Би айхгүй” Италийн уран сайхны киног үзэн ярилцлага хийхээс гадна  итали зайрмагийн амтлан итали амтат бялууны үзэсгэлэн худалдаанд зочилж болох юм байна.

Мөн итали үндэсний хувцасны үзүүлбэр, итали хоолны нээлттэй хичээл болон худалдаа, итали дууны караоке тэмцээн, “Итали боловсролыг дэмжих хөтөлбөр 2012-2013”-ын нээлт, итали үлгэрийн цагаар “Буратино”-той уулзуулах бол “Мемори” поп оркестрын тоглолтоор үдшийг чимнэ  гээд олон сонирхолтой арга хэмжээнүүд болох нь ээ.