Лондоны шинжлэх ухааны музей өнгөрсөн долоо хоногийн  лхагва гаригт  хамгийн анхны өнгөт киног үзэгчдэд сонирхуулжээ. Бүдэгхэн гэрэлтүүлэг онц сонирхолтой үйл явдал төдийлөн гарахгүй эрт үеийн киног музейд хүрэлцэн ирсэн үзэгчид ихэд сонирхсон байна. Учир нь бараг  зууны өмнө  бүтээгдэж  байсан уг киноны дүрс болоод дууг нь орчин үеийн хэв мягт оруулан засварлажээ. Гурван бяцхан хүүхдийн тоглож буйгаар гарах уг кино Английн хаан Едуардын үед л гарч байсан болохыг музейн тайлбарлагч сонирхуулан ярьсан аж. Харин энэ үеийн дөнгөж гарч эхэлж байсан кино 40 секунт л үргэлжлэх бөгөөд кино ертөнцийн түүхэнд өнгөт кино гарч эхэлсэн түүх хамгийн чухал үед тооцогддог гэнэ. Учир нь энэ үе бол кино урлаг орчин үеийн хөгжил дэвшилдээ хүрэх оргил үеийн үндэс суурийг тавьсан хэмээн судлаачид үздэг байна.