Их Британий телевизийн цуврал “The X Factor” шоуны ялагч Леона Льюс “Trouble” нэртэй шинэ уран бүтээлийнхээ клипийг гаргажээ.

Түүний энэхүү шинэ уран бүтээлд Америкийн “Teen Wolf” дэлгэцийн цуврал киноны од жүжигчин, загвар өмсөгч 24 настай Колтон Хейнс тоглосон байна.

Льюс болон Колтон нар энэхүү клипэнд бие биедээ хайртай хосууд болон гарах бөгөөд хосуудын адармаатай харилцаагаар шинэ клип өрнөх аж. Учир нь уг клип дээр нэгэн хосын аз жаргалтай болон үл ойлголцсон цаг мөчийн талаар өгүүлсэн байна.

Льюс шинэ уран бүтээлээ гаргаж шүтэн бишрэгчиддээ ээлжит бэлгээ барьж байгаадаа баяртай байгаа бөгөөд сүүлийн үед  уран бүтээлийн ажилдаа анхаарлаа хандуулан цаг зав багатай байгаа гэнэ.

Тэр “The X Factor” шоунд оролцсоноор урлагт хөл тавих гараа нь эхэлж Грэммийн шагналд гурван ч удаа нэр дэвшиж байсан юм. Түүний хамгийн анхны цомог нь дэлхий даяар 6.5 сая хувь борлогдсон “A Moment likethis цомог нь юм.

Э.АНХТУЯА