Боловсролын хүрээлэнгээс Ерөнхий боловсролын сургуулийн сурах бичгийг зохиох ажилд урьж байна. Тодруулбал, БСШУ-ын сайдын 2009 оны 131 дүгээр тушаалаар батлагдсан Ерөнхий боловсролын сургуулийн сурах бичгийг зохиох, хэвлүүлэх, түгээх журмын 2.2 заалтыг үндэслэн сурах бичиг зохиогчийг шалгаруулахаар болжээ. Тиймээс есдүгээр сарын 21-ний өдрийн 18.00 цагаас өмнө Боловсролын хүрээлэнгийн 32 тоотод бүртгүүлэх боломжтой юм байна. Бүртгүүлэхэд шаардлагатай материалын тухайд,

1. Зохиогчийн багийн гишүүдийн анкет

• Овог нэр, төрсөн он,сар    

• Холбоо барих утас

• Ажлын газар, албан тушаал

• Боловсролын болон мэргэшлийн зэрэг /дипломын хуулбарын хамт/

• Төгссөн сургууль, үндсэн мэргэжил

• Боловсролын салбарт ажилласан жил

2.Боловсролын сургалтын үндсэн баримт бичиг боловсруулахад оролцсон туршлага

3.Тухайн сурах бичиг, сургалтын чиглэлээр гаргасан бүтээлийн жагсаалт (сүүлийн 5 жилээр)

4.Сонирхлоо илэрхийлж, багийн гишүүдийн мэргэшсэн чиглэлийг танилцуулсан багийн ахлагчийн захидал

Зохиогчийн баг нь таваас доошгүй гишүүнтэй байх бөгөөд дараах шаардлагыг хангасан байна. Үүнд:

• Тухайн боловсролын болон тухайн шинжлэх ухааны чиглэлээр мэргэшсэн гишүүнтэй байх;

• Тухайн боловсролын агуулга, арга зүй, дидактикаар мэргэшсэн гишүүнтэй байх;

• Сурах бичгийг сургалтын практикт ашигладаг гишүүнтэй байх.

Түүнчлэн зохиогчийн багийн гишүүнд тавигдах шаардлага бий бөгөөд энэ талаар Боловсролын хүрээлэнгээс лавлах боломжтой гэнэ. Ийнхүү шалгарсан баг дараах ангийн сурах бичгийг зохиох ажээ. 

№	Анги	№	Сурах бичиг
1.	YI	1.	Монгол хэл
2.		2.	Математик
3.		3.	Хүн нийгэм
4.		4.	Хүн байгаль
5.		5.	Эрүүл мэнд
6.		6.	Дүрслэх урлаг
7.		7.	Технологи
8.		8.	Хөгжим
9.		9.	Иргэний боловсрол
10.		10.	Англи хэл
11.		11.	Мэдээлэл зүй
12.	XI	1.	Монгол хэл
13.		2.	Математик
14.		3.	Уран зохиол
15.		4.	Физик
16.		5.	Хими
17.		6.	Биологи
18.		7.	Газарзүй
19.		8.	Зураг зүй, технологи
20.		9.	Нийгмийн ухаан
21.		10.	Англи хэл
22.		11.	Мэдээлэл зүй
23.		12.	Эрүүл мэнд
24.	YII	1.	Иргэний боловсрол
25.	YIII	1.	Иргэний боловсрол
26.	IX	1.	Иргэний боловсрол
27.	X-XII	Биеийн тамирын багшийн ном