-“Нисванис” хамтлагийн фен клуб долоон насны ойдоо зориулан “Нисванисчуудын өдөр” тоглолтыги хийхээр болжээ. Тоглолтын сонин хаянаасаа дуулгахгүй юу?

-Манай “Нисванис” хамтлагийн “Oxygen” буюу “Хүчилтөрөгч” фен клуб энэ сарын 18-нд долоо жилийн ойн тоглолтоо хийх гэж байна. Бид фен клубын ойгоо жил бүр өөр өөрөөр зохион байгуулдаг. Өнгөрсөн жил “C1” телевизийн “Их завсарлага”-аар “Jokers wild” хамтлагтай хамт амплагет хувилбараар хүргэж байсан. Энэ жил бид ойдоо зориулан долоон металл хамтлагийг уриад байгаа. “Нисванис”-ын дуунуудыг метал хувилбараар сонсоход ямар сонсогдох вэ гэдгийг харуулна. Нэрний хувьд ч гэсэн “Нисванисчуудын өдөр” гэж уламжлал болгон зохион байгуулахаар болсон. Өмнө нь энэ тоглолтыг “Нисванис” хамтлагийн “Oxygen” фен клубынхэн зохион байгуулдаг байсан бол энэ жил би өөрөө “Аnima mundi entertainment” байгуулаад манай компаний зүгээс Нисванисчууддаа болон ах нартаа зориулж, энэ тоглолтыг хийж байгаа.

-“Oxygen” фен клуб одоо хэдэн гишүүнтэй вэ?

-“Нисванис” хамтлаг бол байгуулагдаад 16 жил болж байгаа. Манай фен клуб анх долоон хүний гишүүнтэйгээр 2005 байгуулагдаж байсан бол одоо 150 гаруй гишүүнтэй болж өргөжсөн.

-Тоглолтод “Нисванис” хамтлагийнхан ямар дуунуудаа хүргэх вэ?

-Тэд дараагийн цомогтоо орж байгаа шинэ дуунуудаа дуулна.

-“Шторм” хамтлагийг урьсан гэсэн шүү дээ?

-Энэ удаагийн тоглолтод ОХУ-ын металл рок “Шторм” хамтлагийг урьж оролцуулж байгаа. Тэд өмнө нь Монголд гурван удаа “Playtime” наадамд уригдан тоглож байсан болохоор манай металл хөгжим сониорхогчдын танил болсон хамтлаг. Харин энэ удаад манай компанийн урилгаар зөвхөн Нисваничуудад зориулан тоглохоор ирнэ. “Шторм” хамтлагийнхан өөрсдийнхөө шинэ гаргасан цомгийн дуунуудаа болон “Нисванис хамтлагийн хоёр дууг орос хэл дээр коверлон тоглоно. Бяцхан сюрприз задлахад тэд “Нисванис” хамтлагийн “Улаан хэрүүлч”, “Зөвхөн секс” гэсэн хоёр дууг өөрсдийн метал урсгалаар орос хэл рүү орчуулан дуулж байгаа. Тэд 30 минутын өөрсдийн уран бүтээлээ толилуулан дээрээс нь “Нисванис” хамтлагийн дууг коверлон хүргэнэ.

-Тэд хэзээ Монголд ирэх вэ?

-Энэ сарын 17-ны өглөө ирээд 18-нд бэлтгэлээ хийн шууд тоглолтдоо оролцоно. Тэдэндтэй сарын өмнөөс холбогдож эхэлсэн. Хурдан очих юмсан гэсэн хүлээлттэй байгаа.

-Өмнө нь бусад хамтлагууд “Нисванис” хамтлагийн дуунуудыг ковер хийн хүргэж байсан. Энэ тоглолтод ямар дуунуудыг хүргэх бол?

-Харин энэ удаад тэднээсээ өөр дууг коверлон хүргэнэ. Гэхдээ одоогоор дууны нэрнүүдийг нууцалж байгаа. Фенүүд нь ирээд үзвэл илүү сонирхолтой байх болов уу. “Метроном”, “Булсара”, “Профетс”, “Сүх”, “Зүгээр л” хамтлагууд болон шинээр “Silence scream” хамтлаг оролцохоор болсон. Эдгээр хамтлагууд маань “Нисванис” хамтлагийн дууг өөрсдийнхөөрөө буюу метал урсгалаар тоглоно. Тоглолт “iLoft Function house”-т яг цагтаа 19.00 цагт эхлээд 23.00 цагт дуусна.

-Тоглолтод очсон фенүүддэд нь зориулан тоглолтын орчин ямар байх бол?

-Хүмүүс гайхаас асуугаад байсан л даа. Яагаад “iLoft Function house”-ыг сонгосон юм бэ гээд. Тэнд дандаа электро тоглолт болдог учраас рок тоглолто болно гэхээр төсөөлөгдөхгүй байгаа юм шиг байна лээ. Тиймээс бид энэ удаад  “iLoft Function house”-ыг метал хувилбараар харах боломжийг залууст олгох гэж байна.