Альтернатив дуучин Отгоо энэ зуныг амралтын байдалтай өнгөрүүлсэн билээ. Дуучин бүсгүй өдгөө шинэхэн уран бүтээлдээ эрчимтэй орсон байна. Хэдхэн хоногийн өмнө цоо шинэ дуугаа бичүүлж дууссан бөгөөд одоогоор клипний зураг авалт эхэлж байгаа юм. Түүний хэлснээр зунжин бодож төлөвлөсөн хоёр гурван шинэхэн дуугаа удахгүй хүмүүст хүргэнэ гэв. Үүнээс гадна тэрбээр “C’oken Beat” наадмын энэ жилийн ялагч “UFO” хамтлагтай хамтран нэгэн сюрпризийг дэлгэхээр бэлтгэж байгаа гэнэ.