“Mongolian Wind Quintet” хэмээн нэрийдсэн төгөлдөр хуур болон үлээвэр хөгжмийн тавал ХБК-ийн концертын танхимд тоглосон нь үзэгчдийн талархлыг ихэд хүлээв. Тус хамтлагт ХБК-ийн төгөлдөр хуурч багш Ц.Мягмарцэрэн, ДБЭТ-ын кларнет хөгжимчин Л.Солонго, Филармонийн гобойч Г.Долгорсүрэн, фагот хөгжимчин Б.Нямдаваа болон Швейцарьт валторн хөгжмөөр суралцдаг Г.Хуяг нар нэгдсэн юм.

Тэд анхны тоглолтоо хөгжмийн мэргэжлээр сурч буй оюутан, сурагч, багш нартаа толилуулсан нь амжилттай болсонд бүгд баяртай байгаагаа хэлж байлаа. Тавал В.А.Моцарт болон Германы хөгжмийн зохиолч К.Ренескийн төгөлдөр хуур, үлээвэр хөгжимд зориулсан бүтээлүүдээс сонордуулсан.