Өнгөрсөн дөрөвдүгээр сард киноны постероо дэлгээд байсан “Тнгри” уран сайхны кино өнөөдөр Тусгаар тогтнолын ордонд 18.30 цагт нээлтээ хийхээр болжээ.

“Hamba film” студи болон “Z Frame” продакшны хамтын бүтээл “Тнгри” уран сайхны киног "Орхидос" киноны найруулагчаар ажиллаж байсан "Hamba Film" студийн захирал Б.Ганболд найруулжээ. Эртний хадан дээр сийлэгдэн үлдсэн Түрэгийн үеийн түүхэн үгнээс гаралтай уг бүтээл “Түүхэнд үлдээгүй түүх” гэсэн үгсийг постертоо тодотгол болгосон нь сонирхол татаж байлаа.

Чингис хаанаас ч эрт үеийн түүхтэй холбогдох нууцуудыг дэлгэж, уран сайхны аргаар баяжуулсан уг киноны гол дүрд жүжигчин С.Болд, Н.Ялалт, Д.Отгонцэцэг нар болон жүжигчин Ө.Энхболд, загвар өмсөгч О.Амгаланбаатар, УДЭТ-ын жүжигчин, Соёлын тэргүүний ажилтан Б.Эрдэнэцэцэг, Д.Ганцэцэг, Ж.Алтанчимэг, П.Дэмидбаатар, жүжигчин, А.Баттүшиг, Т.Амарбаясгалан, Т.Пүрэвдорж, Г.Идэрбаатар, нар тогложээ. Харин зураг авалтыг өнгөрсөн өвөл авсан аж.