Саяхан цав цагаан шоу болж, залуус цагаанаар гоён очсон билээ. Тэгвэл тун удахгүй хар хувцсаар гоёх электроник хөгжмийн урсгал дундаа хамгийн эрч хүчтэй “Black music” шоу Монголд дөрөв  дэх жилдээ болох гэж байна.

Орчин үеийн хөгжмийн чиг хандлагийг тодорхойлогч  хотын залуусын хамгийн цуглах дуртай “Event”-ийн нэг “Black-2012”  шоу ирэх аравдугаар сарын 5-нд “iLoft function house”-д нүргэлэх гэж байна.

“Black” шоуны тайз заслыг мэргэжлийн продакшн хийн хамгийн хүчирхэг дуугаралт, хамгийн сонирхолтой тоглолтын найруулгыг залууст хүргэхээр зэхээд байгаа гэнэ.

Энэ жилийн харанхуйн элчээр DJ Zero, Чинбаа, Буд, Анар, Crystal Skull нар ажиллан залууст хөгжмийн хэмнэлийг мэдрүүлэх нь ээ. Шоуны тасалбарыг  “iLoft function house”-д худалдаалах ба 20 мянган төгрөг юм байна. Гэхдээ энэ жил зөвхөн мянган хүнд л зориулан хийхээр төлөвлөсөн учраас  хэрвээ та тас хар гоёлоо бэлдэн “Black” шоуг зорих гэж байгаа бол яараарай.