Малчид, тариаланчдад зориулсан мэдээ:
Ойрын хоногуудад ихэнх нутгаар өдөртөө дулаахан байна.

  Нутгийн баруун хэсгээр солигдмол үүлтэй, бусад нутгаар багавтар үүлтэй. Бүх нутгаар бороо орохгүй. Салхи баруун хойноос секундэд 4-9 метр. Алтай, Хангай, Хөвсгөлийн уулархаг нутгаар 12-17 градус, Алтайн өвөр говь болон Их нууруудын хотгороор 21-26 градус, бусад нутгаар 17-22 градус дулаан байна.

УЛААНБААТАР ХОТ: Багавтар үүлтэй. Бороо орохгүй. Салхи баруунаас секундэд 3-8 метр. 19-21 градус дулаан байна. Өглөө 05 цагт Улаанбаатарт: 6 градус дулаан, харьцангуй чийг 65 хувь, агаарын даралт 870 гектопаскаль байлаа. Даралт өдөртөө тогтвортой байна.

15-нд баруун зүгийн нутгийн баруун хэсгээр, 16,17-нд баруун болон төвийн нутгийн зарим газраар, 18-нд нутгийн хойд хэсгээр бороо орно. Салхи 16,17-нд Алтайн уулархаг нутгаар, 18-нд нутгийн хойд хэсгээр секундэд 12-14 метр хүрч ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 2 градус дулаанаас 3 градус хүйтэн, өдөртөө 11-16 градус, говийн бүс нутгаар шөнөдөө 5-10 градус, өдөртөө 20-25 градус, бусад нутгаар шөнөдөө 1-6 градус, өдөртөө 17-22 градус дулаан байна.