УБЕГ бямба гаригт ажиллах гэнэ. Учир нь энэ өдөр ээлжит “Нээлттэй хаалганы өдөр”-өө зохион байгуулах гэж буй аж. Иргэний бүртгэлийн бүх байгууллагууд энэ өдөр нээлттэй ажиллаж, иргэдэд хүссэн мэдээллийг нь өгөх юм. Мөн цахим үнэмлэхийг нь олгох юм. Ажлын өдрүүдэд иргэд цахим үнэмлэхээ ирж авч амжихгүй байгаа учраас хэвлэгдсэн үнэмлэх эзэндээ очихгүй удаад байгаа аж. Тиймээс амралтын өдөр ажлаа амжуулах нөхцөлийг бүрдүүлж, нээлттэй ажиллахаар болсон байна.

Бямба гаригт Нийслэлийн бүртгэлийн газар, Хуулийн этгээдийн бүртгэлийн газар, Улсын бүртгэлийн төв архиваас гадна аймаг, нийслэлийн хэлтэс, хороо, сумын бүртгэгч нар ажиллах гэнэ.