Kobo компани ширүүн өрсөлдөөнтэй цахим ном уншигч e-reader-ын зах зээлд өөрийн шинэ багц бүтээгдэхүүнээр хүч үзэхээр болжээ.

Тэдний танилцуулсан багц бүтээгдэхүүнд гэр бүлийн гишүүн бүрт зориулсан өөр өөрийн онцлог бүхий Kobo Glo, Kobo Mini, Kobo Touch, Kobo Arc нэртэй  e-reader-үүд багтаж байгаа юм байна.

Kobo Glo нь хамгийн сүүлийн үеийн дэлгэцийн технологи болох ComfortLight-ыг ашигласан 6 инчийн хэмжээтэй дэлгэцтэй, хар, цагаан, ягаан, цэнхэр болон мөнгөлөг гэсэн өнгөний сонголттой. Үнийн хувьд 129,99 ам.доллар.

Kobo Mini нь 5 инчийн E Ink дэлгэцтэй. Хар болон цагаан өнгөний сонголттой.  79,99 ам.долларын үнэтэй.

Kobo Touch нь бүрэн мэдрэгч бүхий дэлгэцтэй. Долоон орны хэл дээр ашиглах боломжтой. Үнийн хувьд 99.99 ам.доллар.

Kobo Arc нь 7 инчийн дэлгэцтэй, Android 4.0 үйлдлийн системтэй таблет юм. 1.3 мегапиксел камертай, цагаан болон хар өнгөний сонголттой.

Үнйин хувьд багтаамжаасаа хамаараад 199.99 -249.99 ам.долларын үнэтэй худалдаалагдах юм.

Kobo-гийн эдгээр багц бүтээгдэхүүнүүд арваннэгдүгээр сараас боруулагдаж эхлэх гэнэ.