Энэ бол тахир дутуучуудын хөлбөмбөгийн баг “M"byo Conteh”-ын тоглолтын үеийн зураг. Уг зургийг АНУ-ын гэрэл зурагчин Адам Надел 2003 онд авсан нь дэлхийн шилдэг гэрэл зургаар тодорч байв.

Уг баг нь 2001 онд Сиерра Леоны дайны үед тахир дутуу болсон хөлбөмбөгийн хорхойтнуудаас бүрдэн байгуулагдсан юм. Тэд Сиерра Леоны хатуу хэцүү дайны жилүүдэд тахир дутуу болсон бөгөөд түүнээс хойш бүгд нэгдэн сонирхлынхоо дагуу хөлбөмбөгийн баг байгуулахаар болжээ. Улмаар хоёр жилийн дараа тахир дутуучуудын хооронд болдог томоохон тоглолтод оролцохоор бэлтгэлээ хийж байх үеийн зураг аж. Тоглолтын туршид хүчтэй аадар бороо орж байсан ч багийнхан томоохон тоглолтын өмнөх бэлтгэлээ үргэлжлүүлсээр байжээ. Англид тахир дутуучуудын хооронд хөлбөмбөгийн томоохон тэмцээн болдог юм.
Сиерра Леон улс бол эдийн засгийн хувьд тааруу ядуу буурай орны тоонд ордог билээ. Улмаар тэд тахир дутуу болон ядуу зүдүүгээ мартах гэж энэ клубыг байгуулжээ. Уг багийнхантай хамтын ажиллагаатай байнгын бэлтгэл хийдэг Их Британийн үндэсний тахир дутуучуудын клуб байдаг аж. Хоёр багийнхан хоорондоо олон тоглолтуудыг зохион байгуулдаг нь нутгийнхны анхааралд өртдөг байна. Мөн тус багийнхан зөвхөн хөлбөмбөгөөс гадна хямрал мөргөлдөөний үед хүүхдэд туслах аяныг дахин зохион байгуулан нийгмийн сайн сайхны төлөө ажил явуулдаг нь хүмүүсийн дунд нэлээд нэртэй байдаг юм.