Нийслэлийн Барилга, хот байгуулалт, төлөвлөлтийн газраас 2012 оны 9 дүгээр сарын 14-ний өдрийн 13.30 цагт Хангарьд ордны 14 давхрын “Нэгдсэн хурлын танхим”-д  “Аюулгүй Улаанбаатар” зөвлөгөөн зохион байгуулах гэж байна.  Зөвлөгөөнд Барилга, хот байгуулалтын яам, Нийслэлийн Засаг даргын Тамгын газар, Мэргэжлийн хяналтын ерөнхий газар, шугам сүлжээ болон барилгын чиглэлээр үйл ажиллагаа явуулж буй төрийн бус байгууллага мөн аж ахуйн нэгж байгууллагын төлөөлөл оролцож хот байгуулалтын талаар цаашид авах арга хэмжээ, барилга, байгууламж, машин механизмын хөдөлмөр хамгаалал, аюулгүй ажиллагааны талаар хамтран ажиллах, санал солилцоно.