Улсын Их Хурал дахь Ардчилсан намын болон МАХН-ын бүлгийн хуралдаан 10.00 цагаас Төрийн ордоны “А”, “Б” танхимд тус тус болох бөгөөд Байнгын хороодын ажлын хэсгээр орох асуудлаар ойлголтын зөрүүтэй саналаа нэгтгэх, мөн намын дотоод бусад асуудлыг хэлэлцэхээр болжээ.  
Мөн ажлын хэсгүүдийн хуралдаантай. Барааны тэмдэг, газар зүйн заалтын тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцүүлэгт бэлтгэх, санал, дүгнэлтийн төсөл боловсруулах тухай Ажлын хэсгийн хурал 10.00 цагаас “Г” танхимд;  Улсын төсвийн хөрөнгө оруулалтаар хийгдэж байгаа авто замын ажлын үнийн зөрүүгийн талаар судалгаа, тооцоо гаргах, санал боловсруулах үүрэг бүхий Эдийн засгийн байнгын хорооны Ажлын хэсгийн хурал 14.00 цагаас “Г” танхимд, Цагдаагийн байгууллагын тухай хуулийн шинэчилсэн найруулгын төсөл болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны Ажлын хэсгийн хурал 14.30 цагаас “А” танхимд, Хандивлагч орон, олон улсын санхүүгийн байгууллагаас авсан зээлийг дамжуулан зээлдүүлсэн зээлийн буцаан төлөлт болон Улсын төсвөөс эргэн төлөгдөх нөхцөлтэй олгосон зээлийн барагдуулалтын байдалтай танилцаж санал боловсруулах үүрэг бүхий Төсвийн байнгын хорооны Ажлын хэсгийн хурал 14.30 цагаас “В” танхимд, Монгол Улсын 2010 оны төсвийн тухай хуульд өөрчлөлт оруулах тухай, Нийгмийн даатгалын сангийн 2010 оны төсвийн тухай хуульд нэмэлт, өөрчлөлт оруулах тухай,  Хvний хөгжил сангийн 2010 оны төсвийн тухай хуульд өөрчлөлт оруулах тухай,  Хvний хөгжил сангийн 2010 оны төсвийн тухай хуульд өөрчлөлт оруулах тухай хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны Ажлын хэсгийн хурал 15.30 цагаас “Г” танхимд, Төмөр замын тээврийн талаар төрөөс баримтлах бодлогыг батлах тухай Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны Ажлын хэсгийн хуралдаан 16.00 цагаас “А” танхимд болно.

Б.МАНДАХ