Манай улсын кикбоксчидыг тун ч завгүй нэг сар хүлээж байна. “Мишээл” сургалтын төвийн тамирчин Б.Мягмарсүрэн, Б.Наадам, Г.Жавхлан, Б.Халиун, Н.Бат-Эрдэнэ нар дасгалжуулагч О.Алтанпүрэвийн удирдлага дор зургаан цуврал тэмцээнд оролцохоор удахгүй БНХАУ, Хонгконгийг зорих болжээ. Тэд Бээжин хотод бэлтгэлээ базааж байгаад есдүгээр сарын 13-нд Юченьд, 18-нд Хонгконгт, 25-нд Хэфэйд, 28-нд Шанчуд, аравдугаар сарын 1-нд Шэняаньд өрсөлдөх юм.

Түүнчлэн Монголын кикбокс, тулааны спортын холбооны тамирчид ирэх сарын 3-7-нд ОХУ-ын Анапа хотод болох насанд хүрэгчид, өсвөр үеийнхний Дэлхийн цомын тэмцээнд оролцохоор бэлтгэлээ базааж байна. Энэхүү тэмцээний шилдэг тамирчин, дасгалжуулагч нарт Саха улсын алмааз эрдэнийн компани алмаазан бөгж бэлэглэдэг уламжлалтай.