Германы нэрт биатлонч Магдалена Нойнер “Audi Generation Award” хэмээх нэр хүндтэй шагналд нэр дэвшжээ. Тэрбээр өнгөрсөн гуравдугаар сард их спортоосоо зодог тайлсан бөгөөд өөрөө хүмүүнлэгийн санг дэмжиж ажилладаг тул нэр дэвшигчдийн жагсаалтад багтжээ. Ялагчийг санал асуулгаар тодруулах бөгөөд нэрийг нь нь аравдугаар сарын 20-ны өдөр Мюнхэн хотод зарлах юм. Энэхүү шагналыг хүртэхийн төлөө гурван хүн өрсөлддөг. Ялагч нь “Audi” загварын автомашин хожих бол үлдсэн хоёр нь мөнгөн шагнал хүртдэг уламжлалтай.  Тэдгээрийг  зөвхөн хүмүүнлэгийн үйлсэд хандивлах учиртай аж.

Нойнер 2008 онд тус шагналын гол төрөлд тэргүүлж байв. Тэрбээр “Миний шүтэн бишрэгчид санал асуулгад оролцвол би их баярлах болно. Би ялалт байгуулбал Бьори Шульцегийн нэрэмжит санд хандив өргөх болно” хэмээжээ.