Дархан хотын орон сууцны хүрэлцээ хангамжийг нэгдүүлэх зорилгоор “Орон сууц” хөтөлбөрийг амжилттай хэрэгжүүлж байна. Мөн Дархан хот  МУ-ын “Загвар хот” хөтөлбөрийн  хүрээнд шинээр баригдах 23-32-р хорооллын хэсэгчилсэн ерөнхий төлөвлөгөөг ИТХ-аар батлуулжээ. Ингэснээр 19750  айлын  нийтийн болон таун хаус, хаусын барилга баригдах нөхцөл бүрдсэн байна.  Дархан сумын 9-р багийн нутаг дэвсгэрт Амины орон сууцны 23-р хороолол баригдах бөгөөд уг хороололд 200 айлын амины орон сууц, үйлчилгээний барилга, спорт цогцолбор баригдах гэнэ. Мөн 1200 айлын нийтийн орон сууц, цэцэрлэгт хүрээлэн, үйлчилгээний төв, ногоон байгууламж баригдах  аж. 15-р багийн нутаг дэвсгэрт 327 айлын амины орон сууц болон сургууль худалдаа үйлчилгээний 2 төв, спорт талбай, цэцэрлэгт хүрээлэн, авто зогсоол, хүүхдийн цэцэрлэг бүхий 26-р хороолол баригдах гэнэ. 15-р багийн нутаг дэвсгэрт Таун хаус, жижиг орон сууц бүхий 27-р хороололд 984 айлын амины орон сууц,  300 хүүхдийн хүчин чадалтай цэцэрлэг, худалдаа үйлчилгээний төв, цэцэрлэгт хүрээлэн, авто зогсоол, спорт талбай, спорт цогцолбор, 160 хүүхдийн бага сургууль баригдана. Харин жижиг орон сууцны 28-р хороолол нь Дархан сумын 15-р багийн Мангиртын 10-р хэсэгт  145 айлын амины орон сууц, худалдаа үйлчилгээний төв, спорт талбай, авто зогсоол, цэцэрлэг, бичил цэцэрлэгт хүрээлэн байгуулагдах гэнэ.  Дархан сумын 14-р багийн нутаг дэвсгэрт 5000 айлын амины орон сууц  9-р хороолол баригдах аж.  15-р багийн нутаг дэвсгэрт баригдах 30-р хороолол нь 500 айлын орон сууц, коллеж, их сургууль, оюутны байр, спорт талбай авто зогсоол, бичил цэцэрлэгт хүрээлэн байх ажээ. 8-р багийн нутагт 30-р хороолол баригдах бөгөөд 990 айлын орон сууц, сургууль цэцэрлэг, үйлчилгээний төв, цахилгааны дэд өртөө баригдана. 9-р багийн нутаг дэвсгэрт 32-р хороолол бүхий 300 айлын орон сууц, үйлчилгээний төв, спорт талбай цэцэрлэгт хүрээлэн зэрэг  тус тус баригдахаар батлагдаж зураг төсөл нь гарчээ.