Туркийн Стамбул хот дэлхийн шатрын 40 дэх олимпиадыг наймдугаар сарын 27-ноос есдүгээр сарын 10-нд амжилттай зохион байгуулсан билээ. Тус хот энэ үеэр шатрын олон улсын фестивалийг мөн хүлээн авсан нь олимпиадын сүр чимээнд дарагдсан юм. Португалийн Гимарайнш хотод өнгөрсөн сарын 19-26-нд болсон оюутны ДАШТ-д оролцсон оролцсон манай шатарчид фестивальд өрсөлдсөн. Тодруулбал, 20 гаруй олон улсын цолтон бүхий 109 шатарчин оролцсон “А” ангиллын есөн тавилын тэмцээнд Б.Галмандах, Р.Амгаланбаатар нар тус бүр 4,5 оноогоор 44-46 дугаар, 273 шатарчин оролцсон “B” ангилалд Б.Ариунбүүвэй 7,5 оноогоор шагналт тавдугаар, Б.Билэгжаргал 6,0 оноогоор 29 дүгээр байрт шалгарав. Фестивалийн блиц буюу түргэн тоглолтын төрөлд 143 шатарчин 11 тавилд өрсөлдснөөс ИМ Д.Шаравдорж 8.0 (есдүгээр байр), ФМ М.ГҮнбаяр 7.5 (16), эхний хоёр тавилаас хоцорсон Б.Ариунбүүвэй 7.0, Р.Амгаланбаатар, Б.Галмандах нар 6.0, Б.Билэгжаргал 5.0 оноо авлаа.