Тун удахгүй 15 жилийн ойгоо тэмдэглэх гэж буй “Номин талст” хамтлагийнхан анхны хит уран бүтээлийнх нь нэг болсон “Бид” дууны клипээ шинэчлэн бүтээжээ. Тэд үүгээрээ 15 жилийн дараа ч “Номин талст” хамтлаг олуулаа гэдгээ батлан харуулжээ. Учир нь тэдний шинэчилсэн клипт зууны манлай эстрадын дуучин Сараа, “Харанга” хамтлагийн гитарчин Я.Одсүрэн, хөгжмийн зохиолч “сахал” Пүүжээ, “Харанга” хамтлагийн дуучин Х.Лхагвасүрэн, “Никитон”-ы дуучин Ц.Батчулуун, рок мангас Р.Мөнхсайхан, хөгжмийн зохиолч Б.Чинбат, “Камертон” хамтлаг, хошин урлагийн “Маск”, “Шинэ үе”, “Х-Түц” продакшны жүжигчид, “Киви”, “Хурд”-ын гитарчин Отгонбаяр, гитарчин Өөжгий, “Anemone”, дуучин Сэрчмаа, Номин, реппер Gee, Урлагийн гавьяат зүтгэлтэн, яруу найрагч Ш.Гүрбазар, хип хопын анхдагчдын нэг “Люмино” болон “Fire”, “Гурван охин”, “Лемонс”, “Sweetymotion” хамтлаг, “Prosounds” студийн найруулагч P.Рагу, “Драмын дөрөв” буюу жүжигчин Пара, Боогий, Эба, Амгаа нар,  Лондонгийн олимпид эх орныхоо далбааг мандуулаад ирсэн Гавьяат тамирчид, УДЭТ-ын урдаа барьдаг эрхмүүд болох Ардын жүжигчин Н.Сувдаа, Гавьяат жүжигчин У.Уранчимэг, Хасар Жагаа буюу жүжигчин Б.Жаргалсайхан, ая зохиогч, дуучин Б.Дашдондог, хөгжмийн зохиолч Б.Долгион, “Инээмсэглэл” хамтлагийнхан, поп дива Т.Ариунаа, үндэсний дуу, бүжгийн эрдмийн чуулгын бүжигчид, төрийн хүндэт харуул, цагдаа, эмч гээд ховорхон чуулах оддыг нэг дор цуглуулан “Номин талст” олуулаа гэдгээ мэдрүүллээ.

Тэд энэ сарын 29, 30-нд “UB Palace”-д “Номин талст 15 жил” бие даасан тоглолтоо хийх гэж байгаа юм. “Номин талст” хамтлагийн тэртээ 15 жилийн өмнө зохиож байсан “Бид” дууны шинэчилсэн клипийг ЭНД дарж үзнэ үү.