Таван шарын уулзвараас 21 дүгээр хороолол руу эргэдэг Замын цагдаагийн пост хүртэлх 534 метр замын урд талын урсгалын хөдөлгөөнийг өнөө орой 23:00 цагаас эхлэн дөрөв хоногийн хугацаатай хааж, замын хучилтын ажлыг хийхээр болсон талаар Нийслэлийн авто замын газраас мэдээлж байна. Дараах чиглэлд мөн хугацаа зааж, авто замын шинэчлэлийн ажлыг хийх гэж байна. Тухайлбал,

Есдүгээр сарын 16-ны 06:00 цагаас есдүгээр сарын 18 хүртэл, дээрх хэсгийн урсгалыг нээж, үргэлжлүүлэн Замын цагдаагийн постоос Сүлжмэл хүртэлх 420 метр замын урд урсгалыг,

Есдүгээр сарын 18-24-нийг хүртэл Сүлжмэлээс Цамбагарав хүртэлх 1320 метр замын урд урсгалыг,

Есдүгээр сарын 24-28-ныг хүртэл  Цамбагараваас Саппорогийн аюулгүйн тойрог хүртэлх 860 метр замын урд урсгалыг тус тус хааж, авто замын шинэчлэлийн ажлыг хийх ажээ.