Завхан аймгийн залуу малчдын чуулга уулзалт саяхан болжээ. Энэхүү чуулга уулзалтад 24 сумын 400 гаруй малчин залуус оролцсон байна. Тус чуулганаар бэлчээрийг хуваарьтай, хоршиж ашиглах, бод, бог малыг хариулах арга туршлага, малын халдварт, шимэгч хорхой буюу паразит өвчинөөс урьдчилан сэргийлэх арга зам болон малын эмийн зохистой хэрэглээ, малын чанар үүлдэр угсааг сайжруулах, залуу малчдыг дэмжиж ажиллах, цаашдын зорилт зэрэг чухал сэдвээр ярилцсан байна. Мөн ахмад туршлагатай малчид ажлын туршлага арга ухаанаасаа хуваалцжээ. Энэ үеэр аймаг, сумдын удирдлагаас залуу сайн малчдыг шагнаж урамшуулсан байна.