Есдүгээр сарын 15-16-ны өдрүүдэд “Буриадаараа хөөрөлдөе, Бөхийн соёлоо дээдэлье” уриан дор Буриад зоны бөхийн баяр наадам Дорнод аймгийн Цагаан-Овоо суманд зохион байгуулагдах гэж байна. Энэхүү наадам нь Монгол туургатаны нэгэн хэсэг болсон буриад зоны бөхийн барилдааны өв уламжлал, хүч чадал, ур ухаан, арга билгийн соёлыг сэргээн хөгжүүлж сурталчлах, дотоод гадаадад түгээн дэлгэрүүлэх болон хойч үедээ өвлүүлэн олны хүртээл болгох зорилготой юм байна.