Цагдаа, тагнуул, шүүх, прокурорын байгууллагын ажилтны үйлдсэн гэмт хэргийг мөрдөн шалгадаг Улсын ерөнхий прокурорын дэргэдэх Мөрдөн байцаах албаны 10 жилийн ой өнөөдөр тохиож байна. Энэ хугацаанд тус албанд иргэд, байгууллагаас гаргасан гэмт хэргийн шинжтэй  5948 гомдол, мэдээлэлд зохих шалгалт явуулснаас 1956 гомдол, мэдээлэлд буюу 32.9 хувьд нь эрүүгийн хэрэг үүсгэж, 2774 гомдол, мэдээлэл буюу 46.6 хувийг эрүүгийн хэрэг үүсгэхээс татгалзах санал гаргаж, 1218 гомдол, мэдээллийг буюу 20.5 хувийг харьяаллын дагуу зохих байгууллагад шилжүүлж тус тус шийдвэрлэжээ. 

Гомдол, мэдээллүүдийг албан тушаалтнуудаар авч үзвэл шүүгчид холбогдох 200, прокурорт 204, мөрдөн байцаагчид 1108, хэрэг бүртгэгчид 641, цагдаагийн байгууллагын ажилтанд 3672, тагнуулын байгууллагын ажилтанд 59 гомдол, мэдээлэл иржээ.