Реппер B.A.T кино урлагт дахин хүч үзжээ. Тэрбээр "Big Fish" буюу “Том загас” киногоо энэ сарын 12-нд кино “Өргөө”, "Тэнгис", “Соёмбо” кино театруудад гаргах гэж банйа. Өнгөрсөн оны аравдугаар сард зураг авалтаа хийн эхэлсэн “Dash Films”-ийн анхны бүтээл "Big Fish" киноны ерөнхий найруулагчаар реппер B.A.T, продюсераар Г.Дашням нар ажилласан бол гол дүр болох Соёмбод дуучин Б.Амархүү тогложээ. Киноны үйл явдал цагдаагийн ахлах дэслэгч Соёмбо хар тамхитай холбоотой хүн амины хэргийг мөрдөн илрүүлж байгаагаар өрнөх аж. Мөн киноны гол дүрд загвар өмсөгч О.Амгаланбаатар, загвар өмсөгч О.Ариунзул, реппер B.A.T, Rokit Bay болон ОХУ-ын Ардын жүжигчин Олег Петелин,  АНУ-ын жүжигчид тоглосноороо  “интэрнейшнл” уран бүтээл болж байгаа гэнэ. Цагдаагийн ажилтны амьдрал, адал явдалт, хар тамхи, хайр дурлалыг өгүүлсэн уг киноны албан ёсны нээлт энэ сарын 14-нд “Өргөө” кино театр болох юм.

 Сонирхуулахад, реппер B.A.T анх 2010 онд “Аз ойрхон” бүтээлээрээ кино ертөнцөд хөл тавьсан нь үзэгчдээс чамгүй магтаал хүртсэн билээ.

Маргааш буюу энэ сарын 12-ны 11.00 цагт "Чингис" зочид буудлын гурван давхарт "BIG FISH" кино багийнхан хэвлэлийн бага хурал зарлаад байгаа юм.

"Big Fish" киноны трэйлэрийг ЭНД дарж үзнэ үү.