Энэ сарын 7-ны 23.00 цагаас 12-ны 07.00 цаг хүртэл Энхтайваны гүүрнээс 120 мянгатын уулзвар хүртэлх автозамын засвартай холбоотойгоор замын хөдөлгөөнийг хааж нийтийн тээврийн автобуснууд Олимпийн, Их Монголын болон төв цэнгэлдэхийн урдуурх шинэ замаар явж байсан билээ. Харин өнөөдөр 17.00 цагт дээрх зам засварын ажлыг хугацаанаас нь өмнө дуусгаж энэхүү чиглэлд нийтийн тээврийн үйлчилгээнд явж байсан нийт 16 чиглэлийн 152 автобус хуучин маршрутаараа явах болж байна. Түүнчлэн энэ чиглэлийг хааснаар ТР:6 буюу БММЗ-Офицеруудын ордон чиглэлийн 14 троллейбус үйлчилгээнд гарахгүй байсан билээ. Харин зам засварын ажил хугацаанаасаа өмнө ийн дууссанаар дээрх чиглэлийн 14 троллейбус хуучин шугамынхаа дагуу үйлчилгээндээ хэвийн гарч эхэлж байгаа юм.