Их Британийн аж үйлдвэрийн өсөлт энэ жилийн долдугаар сард өмнөх сарынхаасаа 2,9 хувиар нэмэгдсэн тухай Үндэсний статистикийн албанаас мэдээлжээ. Тэмдэглэснээр аж үйлдвэрлэлийн өсөлтийн хурд нь сүүлийн 25 жилийн дотор хамгийн өндөр байлаа. Тэр нь Британийн эдийн засаг 2008-2009 онуудын даяаршлалын хямралын үр дагаврыг даван гарч буйг харуулж байна.

Их Британийн эдийн засаг 2012 онд анх удаагаа дараалсан уналтыг харуулсан юм. Эхний улиралд нь ДНБ-ний өсөлт 0,3 хувиар, хоёрдугаар улиралд 0,7 хувиар тус тус унасан байв. Британийн эдийн засгийн хэдэн улирал дараалсан уналт анх 2009 онд тохиолдож байжээ.

Наймдугаар сарын эхээр Английн банк энэ жилийн эдийн засгийн өсөлтийн дүгнэлтээ нэг хувиас бараг тэг хүртэл бууруулсан байлаа. Үүний гол шалтгааныг евро бүсийн өрийн хямрал гэсэн билээ.