Бүртгэлтэй ажилгүй иргэдийн тоо наймдугаар сарын эцсийн байдлаар 43.2 мянга болсон нь өмнөх оны мөн үеийнхээс 2.8 мянган хүнээр буюу 6.9 хувиар өссөн талаар Үндэсний статистикийн хорооны судалгааны ажилтнууд мэдээлж байна. Энэ тоогоор улс орны ажилгүйдлын, цаашлаад ядуурлын төвшинг тодорхойлох боломжгүй бөгөөд зөвхөн бүртгэлтэйг нь ийнхүү судалгаанд хамруулжээ. Харин бүртгэлгүй ажилгүй иргэдийн тоо үүнээс илүү байх боломжтой талаар албаныхан онцолж байна.