Засгийн газрын ээлжит хуралдаан өнөөдөр болох бөгөөд энэхүү хуралдаанаар дэд сайд нарыг томилж мэдэх талаар Төрийн ордонд дуулдаж байна. Ямар ч байсан энэ асуудлаар МАХН-МҮАН-ын “Шударга ёс” эвслийн бүлэг Ардчилсан намынхантай өчигдөр зөвшилцсөн гэх мэдээлэл байна.

МАХН-ын хувьд гурван ч дэд сайдыг нэр дэвшүүлсэн, үүнд Хууль зүйн дэд сайдад хуульч Ж.Эрдэнэжамъян, Эдийн засгийн хөгжлийн дэд сайдад УИХ-ын гишүүн асан О.Чулуунбат, Байгаль орчин, ногоон хөгжлийн дэд сайдад Н.Энхбаярын туслах Б.Тулга нарыг нэр дэвшүүлэхээр болж шийдвэрлэсэн.

Харин МҮАН-ын хувьд Б.Цогтгэрэлийг нэр дэвшүүлэх магадлал өндөр аж. Ардчилсан намын хувьд дэд сайд нар нь хэдийнэ тодроод байгаа, тиймээс эл томилгоо өнөөдөр шийдэгдэх бололтой.