Европын тогтворжуулалтын ESM  механизмын эсрэг шүүхэд гаргасан гомдолд 37 иргэд нэгдсэн тухай Spiegel сонин “Илүү ардчилал” нийгэмлэгийн мэдээнээс иш татан бичжээ. ХБНГУ-ын Үндсэн хуулийн шүүхэд хамгийн олон хүн гаргасан гомдол нь энэ болж байна. Теле холбооны мэдээллийг хадгалахын эсрэг 35 мянган хүн ҮХЦ-д өмнө нь хандаж байжээ.

“Илүү ардчилал” нийгэмлэг хэд хэдэн улстөрчдийн хамт долдугаар сарын эхээр Холбооны Үндсэн хуулийн шүүхэд хандсан юм. Тэд ESM-ийн эсрэг байгаа ба үндэсний парламентын эрх мэдлийг хязгаарлан дэндүү их эрх мэдлийг Брюссельд өгч байна хэмээн гомдол гаргажээ.

Холбооны Үндсэн хуулийн шүүх энэ асуудлаар есдүгээр сарын 12-нд шийдвэрээ гаргах ёстой. Евро бүсийг аврах талаарх зохих хууль долдугаар сарын 1-нд хүчин төгөлдөр болох ёстой байсан ба түүнийг парламент нь дэмжсэн байв. Тогтворжуулах механизм ESM нь 700 тэрбум евроноос бүрэлдэх бөгөөд одоо түүний санд 250 тэрбум евро л цугларсан байгаа нь евро бүсийг санхүүгийн хямралаас аврахад хангалтгүй байгаа.