Оросуудын тэн хагас нь авлига өгдөг | News.MN

Оросуудын тэн хагас нь авлига өгдөг

Хуучирсан мэдээ: 2010.05.16-нд нийтлэгдсэн

Оросуудын тэн хагас нь авлига өгдөг

Асуудлаа шийдэх хамгийн шилдэг арга зам бол албан тушаалтнуудад авлига гэж Оросын иргэдийн талаас илүү хувь нь үзэж байна гэж “Reuters” агентлаг мэдээллээ. “Levada Center” төвөөс явуулсан санал асуулгад оролцсон 1,600 оролцогчийн талаас илүү хувь нь “Орост албан тушаалтнуудад хүн бүхэн авлига өгдөг” хэлсэн байна. Дөрвөн жилийн хугацаатай сонгуулийн хугацааныхаа талаас өнгөрөөд байгаа Оросын ерөнхийлөгч Дмитрий Медведев авлигатай тэмцэж, хууль төгс баримталдаг улс орон болно гэж олонтаа амалсан.

Харин тус төвийн судалгаанаас үзвэл оросууд эмнэлгийн үйлчилгээ, жолооны үнэмлэхээ “худалдаж”, замын хөдөлгөөний дүрэм зөрчиж баригдах, хүүхдээ цэрэгт татуулахгүйн тулд, эсвэл илүү дээр сургуульд явуулахын тулд авлига өгсөөр байгаа хэвээр байна. Судалгаанд оролцогсдын 10 хувь нь бүр төрөл төрөгсдийнхөө оршуулгыг хийхийн тулд авлига өгсөн гэж хэлсэн байна. Авлига өгдөг хүмүүс бол “гэмт хэрэгтнүүд мөн” гэж судалгаанд оролцогсдын ердөө 10 хувь нь л үзсэн бол “мөнгөтэй дугтуй” өгдөг хүмүүс үнэндээ өөр аргаар асуудлаа шийдвэрлэх боломжгүй  ердийн хүмүүс гэж 30 хувь нь үзсэн байна.

Өнгөрсөн жилийн арваннэгдүгээр сард “Watchdog Transparency International” байгууллагаас гаргасан тайланд Орос улс авлигын үзүүлэлтээрээ дэлхийн 180 орноос 146-д бичигдсэн бөгөөд Африкийн Зимбабве, Сиерьра Леон зэрэг улсуудтай мөр зэрэгцсэн байна.

Т.Бадрах

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zuv yariarai 2010-05-16 202.72.242.162

Tegj hun bolgoniig avilgach bolgoh hereggui dee Manai Tomchuul l avilga avdag ugdog yum bailgui Minii ergen toirond l lav avilga avdag ugdog hun baihgui dee Bi ch tsalingiin hedeeree l bolgoj baidag uchraas avilgad ugoh mongo ch baihgui avah ajliin bolon huviin yum baihgui Minii ergen toirond yag adil gej bodoj yavdag daa sonin yum 991 gej medej baigaa hun l tuund ih ortdog yum baih daa Bi bol 1000 hun dotor 1-2 hun l baih bolov uu gej bodoh yum

Avatar

Зочин 2010-05-16 133.43.247.122

manaid 99 n hahuuli ogdog 1 n hahuuli avdag MGL uls udahgui sonono

NewsMN Гар утасны хувилбар Татах
NEWS.mn

Мэдээллийн эх сурвалж