Баянхонгор аймгийн Бөмбөгөр сумын “Гэрэл” дунд сургуулийг  МУСГЗүтгэлтэн, нэрт сэтгүүлч Хорлоогийн Цэвлээгийн нэрэмжит болгосон байна. Тэрээр 70 жилийн түүхтэй сургуулийнхаа анхны шавь, анхны багш  байсан аж. Энэ үеэр Х.Цэвлээ гавьяатын 80 насны ой тохиож, баяр дээрх баяр болж, хүндэтгэлтэйгээр тэмдэглэн өнгөрүүлсэн байна. Мөн гавьяатынхаа хөдөлмөр бүтээлийг сурталчилан таниулах, үүднээс түүний  нэрэмжит  танхимыг  нээж тохижуулжээ. Тус танхимдаа Х.Цэвлээ гуай өөрийн уран бүтээлийн дээж шилдэг нийтлэлүүдийн 100 гаруй ном, баримтат кино, жүжигтэй DVD бичлэг, иж бүрэн комьпютер зэргийг сургуулийн захиргаанд гардуулан өгчээ. Ёслол хүндэтгэлийн баярын үеэр сурагчдын дунд шатар даамны тэмцээн, “Миний сайхан ээж” сэдэвт эсээ бичлэгийн уралдаан явуулж, Х.Цэвлээ гуайн нэрэмжит шагналыг түүний үр хүүхэд гэр бүлийн зүгээс  гардуулсан байна.