Баянгол дүүргийн тавдугаар хороо, Шастины нэрэмжит Улсын гуравдугаар эмнэлгийн баруун талд баригдаж байгаа барилгын бетон зуурмаг шахагч унаж 12 настай бяцхан охины амийг авч одсон. Энэхүү хэргийг Баянгол дүүргийн Цагдаагийн хэлтэст эрүүгийн хэрэг үүсгэн шалгаж эхэлсэн байгаа.

Харин өнөөдөр “Даяар Монгол” хөдөлгөөний гишүүд талийгаач охины буруутанг хурдан шуурхай тогтоож, хариуцлага тогтоох ажилд хяналт тавина гэдгээ илэрхийлжээ.

Тэд вэб сайт болон фэйсбүүк хуудсандаа “Саяхан болж өнгөрсөн эмгэнэлт явдалд гүнээ харамсаж, эмгэнэл илэрхийлж байгааг хүлээн авна уу. Хуулийн байгууллага зохих арга хэмжээг авна гэдэгт найдаж байна. Хэрэв зохих арга хэмжээ авахгүй бол манай байгууллага арга хэмжээ авах болно” гэж мэдэгдсэн байна.