Хувийн амьдралынхаа тухай илэн далангүй ярьж, хэт задгай байдлаар хувцаслаж сурсан дуучин Нараг шүүмжлэгчид олон бий. Харин түүнийг эвлэг даруухан, энгийн зан төрхтэй гэдгийг хүмүүс бараг мэддэггүй. Олны танил хүмүүсийн хувьд хамгийн чухал зүйл бол хүнтэй зөв харилцаж сурах гэдгийг дуучин Нара хэнээр ч хэлүүлэлтгүй маш сайн мэддэг. Шүүмжилж, хэн нэгнийг доромжлох дуртай зарим хүн түүний фэйсбүүк хуудсанд зочилж, нүдэндээ линз зүүсэн тухайг нь хүртэл шүүмжлээд авчээ.

Харин дуучин бүсгүй “Энэ бол ямар нэгэн харааны нөлөөтэй ч юм уу, янз бүрийн зорилгоор хэрэглэсэн эд биш. Зүгээр л миний сонирхол” гэж хариулжээ. Түүний дайчин, өөртөө итгэлтэй, илэн далангүй байдалд нь хүмүүс тун дуртай байдаг төдийгүй “Хэзээд өөрийнхөөрөө байж чаддагт тань хайртай шүү” гэсэн нь ч байна.