Дорнод аймгийн Чулуунхороот суман дахь Монгол дагуурын дархан цаазат газрын мэдээллийн төвд “Дагуурын ландшафыг дэлхийн өвд бүртгүүлэх боломж” сэдэвт олон улсын  III дугаар уулзалт өнөөдөр болж байна. Уг уулзалтад Байгаль орчны яам болон Дорнод аймгийн хамгаалалтын захиргаа, Монгол дагуурын дархан цаазат газар, Монгол дахь Дэлхийн байгаль, соёлын өвийг хамгаалах сан, ОХУ-ын Дэлхийн өвийг хамгаалах сан, ОХУ-ын Даурский дархан газар, мөн Герман улсын Хүрээлэн буй орчин, байгалийн хамгаалал, цөмийн аюулгүй байдлын яам зэрэг байгуулагуудын төлөөлөгчид оролцох ажээ. Уулзалт гурав хоног үргэлжлэх бөгөөд  энэ үеэр хээрийн аяллыг зохион явуулах аж.