YouTube-гийн буянаар од болсон Тайванийн дуучин Линь Юй-чунь Sony Music гэх дуу бичлэгийн студитай гэрээ байгуулсан тухай энэ сарын 14-нд The Guardian сонинд өгүүлжээ.
Линь Юй-чунь Тайванийн  "Avenue to Stardom" шоуд оролцон Долли Партоны "I Will Always Love You" гэх Уитни Хьюстоны алдаршуулсан дууг дуулан олныг бишрүүлжээ. Линь Юй-чунийн бичлэгтэй ролик YouTube сүлжээнд дөрөвдүгээр сарын эхээр тавигдсанаас хойш түүнийг 10 сая гаруй хүн үзжээ.
“Бяцхан бүдүүн” хочтой болсон тайвань залууг шууд л Шотландын гэрийн эзэгтэй Сьюзан Бойлтой харьцуулах болсон байна. Бойл "Britain"s Got Talent" реалити-шоуд оролцон интернэтийн тусламжтайгаар алдаршсан билээ. Тэр эмэгтэй 2009 онд "I Dreamed A Dream" анхны цомгоо гаргасан ба тэр нь жилийн хамгийн их гүйлгээтэй хөгжмийн релиз болсон юм.
Бойлыг алдаршуулахад түүний гадаад төрх нь бас нөлөөлсөн байлаа. Үүнийг мөн л Тайвань залууд хамааруулж болно. Тэрээр эрэгтэй хүнд ховор контра-тенор гэх хоолойтой юм.
Линь Юй-чунийн шинэ цомогт хятад дуунууд орох ба харин "I Will Always Love You" бичигдэх эсэх нь одоогоор тодорхойгүй байна. Их долдугаар сард уг цомог худалдаанд гаргахаар төлөвлөгджээ.