Талбайн теннисний оны дөрөв дэх “Их дуулга” болох “Америкийн нээлттэй тэмцээн” долоо дахь өдрөө үргэлжлэн явагдаж байна. Эмэгтэйчүүдийн ганцаарчилсан дөрөвдүгээр тойрогт өрсөлдөх 16  теннисчин тодроод байна.

ОХУ-ын теннисчдээс хоёр теннисчин дөрөвдүгээр тойрогт шалгараад байгаач тэд наймны нэгийн шигшээд оноолт таарчээ. Тодруулбал, энэ жилийн “Австралийн нээлттэй тэмцээн”-ий шигшээд шалгарч, улмаар Францын нээлттэй тэмцээнд түрүүлж, Лондонгоос мөнгөн медаль хүртсэн ОХУ-ын Мария Шарапова (3), оны гурван “Их дуулга”-д гуравдугаар тойргоос хэтрээгүй байгаа ч Лондонгоос хосын төрөлд (Мария Кириленко) хүрэл медаль хүртсэн Надия Петрова (19) нар оноолт таарчээ. 

Мөн хоёр, гуравдугаар тойрогт Белгийн нэрт теннисчин Ким Клийстерс, Хятадын Ли На нарыг дараалан буулган аваад байгаа Лондонгийн олимпийн холимог хосын мөнгөн медальт Их Британы Лоре Робсон, өнгөрсөн жилийн тус тэмцээний аварга Австралийн Саманта Стосуртай оноолт таараад байна. Энэ жилийн хоёр ч "Их дуулга"-ын хоёрдугаар тойргоос хасагдаад байгаа Саманта Стосурыг Их Британы залуу од Робсоныг зогсоохыг л харах л үлдлээ.

Мөн Францын Марион Бартоли (11) өнгөрсөн жилийн "Уимбльдон"-ы аварга Чехийн Петра Квитова (5), Германы Кербер (6) энэ жилийн “Францын нээлттэй тэмцээн”-ий шигшээд шалгарч Мария Шарапова ялагдсан Италийн Сара Эррина (10) нарын шилдэгүүдийн тоглолт дөрөвдүгээр тойрогт өрнөх нээ.

Эрэгтэйчүүдийн гуравдугаар тойрогт Швейцарийн Рожер Федерер Испаний Вердаскыг (25) 6:3, 6:4, 6:4-өөр, АНУ-ын Мэрди Фиш (23) Францын Симоныг 6:1, 5:7, 7:6, 6:3-аар буулган авч Федерер, Фиш нар дөрөвдүгээр тойрогт оноолт таараад байна. Лондонгийн аварга Их Британы Энди Муррей (3) Испаний Фелисиано Лопезыг (30) 7:6 (7:5), 7:6 (7:5), 4:6, 7:6 (7:4)-ийн харьцаагаар буулган авч Канадын Раничитэй дараагийн тойрогт учраа таарчээ.

"Их дуулга"-ын дөрвөн түрүүг хүртэхдээ "Америкийн нээлттэй тэмцээн"-нд гурван удаа түрүүлсэн Белгийн нэрт теннисчин Ким Клийстерс холимог хосын төрөлд сүүлийн тоглолтоо хийснээр теннисний замналаа өндөрлүүлж байна.