Холливуудын
сайхан хосуудын нэг хэмээн шагшигдаж байсан Кэти Холмс, Том Круз нар
таван жил хамтран амьдарсны эцэст гэрлэлтээ цуцлуулах болсноор шар
хэвлэл болон папараццичдын бай болоод байсан билээ. Тэгвэл хосууд
өнгөрсөн сард гэрлэлтээ албан ёсоор цуцлуулан хоёр тийшээ болсноор
тэдний талаарх хов жив бага зэрэг намжаад байсан юм. Харин саяхан
жүжигчин Том Круз өнгөрсөн хугацааны сэтгэлийн дарамт, сүүлд хийгдэж буй
киноныхоо стрессээс ангижрахаар Хорватын Хвар арал руу аялжээ. Харин
түүнийг Хорватын далайн эрэг дээр хөл тавьсан даруй шүтэн бишрэгч
бүсгүйчүүд нь бүчин авсан байна. Тэрбээр тэдэнтэй хамт зургаа авахуулан
гарын үсгээ зураад Пжака хот руу явчээ. Том Круз амралтаа зугаатай
байлгахын тулд өчигдөр орой тус хотын нэгэн бааранд орсон бөгөөд тэнд
ганц бие болоод удаагүй алдартныг маань мөн л бүсгүйчүүд хүрээлэн авсан
гэнэ. Өдгөө 50 настай жүжигчин Том Круз Кэти Холмсоос салсан  түүний
хувьд гурван дахь салалт нь бөгөөд өмнө нь хоёр ч гэрлэлт нь түүний
шашин шүтлэг, итгэл үнэмшлээс болоод бүтэлгүйтсэн юм.