Туркийн Истанбул хотноо Дэлхийн шатрын 40-р олимпиад үргэлжлэн явагдаж байна. Өчигдөр тэмцээний дөрөвдүгээр өргийн тоглолт болж эмэгтэй баг Шведийн багийг 3,5:0.5-аар ялалт байгуулсан бол эрэгтэй шатарчид Канадын багт (1.5:2.5) ялагдсан байна. Тавдугаар өрөгт эмэгтэй баг Азербайжины багтай, эрэгтэй баг Молдавын багтай оноолт таарчээ.

Дөрвөн өргийн дараах байдлаар эмэгтэй баг Туркийн 2-р баг, Англи, Шведийн багийг хожиж, ОХУ-ын багт хожигдсон амжилтаар 20-р байрт явна. ОХУ, Францын бүсгүйчүүд хожигдолгүй тэргүүлж байна. Харин эрэгтэй шатарчдын хувьд Фижигийн арал, Австралийн багийг хожиж, АНЭУ-ын багтай тэнцэн, Канадад хожигдсон амжилтаар 41-р байрт явна.