йлдвэр, хөдөө аж ахуйн яамнаас жил бүр зохион байгуулдаг “Намрын ногоон өдрүүд-2012” үзэсгэлэн яармаг есдүгээр сарын 25-наас 10 дугаар сарын 2-ны хооронд “Мишээл экспо” төвд болох гэж буй. Үзэсгэлэнд оролцох хүсэлтэй аж ахуй нэгж, үйлдвэрлэгчдийн хүсэлтийг Үйлдвэр, хөдөө аж ахуйн яаманд хүлээн авч байгаа бөгөөд есдүгээр сарын 25-ны дотор бүртгэл үргэлжлэх ажээ. Ингэснээр хувь хүмүүс, албан байгууллага үзэсгэлэнд оролцох зай талбайгаа шийдүүлж, зөвшөөрлөө авах юм.

Долоо дахь жилдээ болох уг үзэсгэлэн яармагийг  салбарынхан нийслэлчүүдийн хүнсний хэрэглээг нэг дороос шинэ хүнсээр бэлтгэх, хөдөө аж ахуй, хүнсний үйлдвэрлэлийг сурталчлах зорилгын дор зохион байгуулах гэнэ. Энэ үеэр зөвхөн үндэсний үйлдвэрлэгчид бүтээгдэхүүнээ дэлгэхээс гадна гадаад орны худалдаа, үйлдвэрлэгч нар оролцох аж. Тухайлбал, Япон Франц зэрэг европын болон хөрш зэргэлдээ орнуудын хүнсний салбарт үйл ажиллагаа явуулдаг компаниуд  элчин сайдын яамаараа дамжуулан оролцох юм байна. Энэ үеэр эрчимжсэн аж ахуй, шинэ ногоо-алтан намар, шинэ хүнс, хоршоолол гэсэн дөрвөн чиглэлээр салбар үзэсгэлэн гарах бөгөөд бүх барааг үйлдвэрийн үнээр шинэ дэвшилтэт техник технологийг ашиглах худалдаа үйлчилгээ явуулах ажээ. Түүнчлэн энэ жилийн үзэсгэлэн яармагт архины үйлдвэрүүдийг оролцуулахгүйгээр аль болох органик бүтээгдэхүүнийг дэлгэхээр болсон байна.