131 дэх жилдээ болж “Америкийн нээлттэй тэмцээн”-ий дөрөв дэх өдөр эмэгтэйчүүдийн гуравдугаар тойрогт (32) өрсөлдөх теннисчид бүрэн тодорчээ.

Хоёрдугаар тойргийн хамгийн сонирхолтой тоглолт Германы залуу теннисчин Ангелик Кербер (6), АНУ-ын Винус Уильямс (47) нарын хооронд өрнөжээ. Тоглолтын эхний сэтийг Кербер 6:2-аар илүүрхсэн бол удаах сэтийг Винус 7:5-аар өөрийн болгосон байна. Шийдвэрлэх гурав дахь сэтэд Кербер алдаа бага хийж 7:5-аар илүүрхэж дараагийн тойрогт шалгараад байна. Энэхүү тоглолт 2 цаг 45 минут үргэлжилжээ. Германы Кербер дараагийн тойрогт Беларусын Ольгой Говорцовойтой (67) учраа таарчээ. Түрүүлэх магадлалтай теннисчдийн тоонд зүй ёсоор багтаж буй Керберийн хувьд энэ жил
ОХУ-ын Мария Шарапова, Хятадын Ли На, Белгийн Клийстерс, Чехийн Квитова,
АНУ-ын Серена Уильямс гээд гол өрсөлдөгчдөө хожсон. Тэгэхээр энэ дуэльд
түүнийг илүүрхэнэ гэдэгт олонхи итгэлтэй байсан бөгөөд тэрбээр Лондонгийн олимпид ч Винусыг хожиж байсан. Кербер WTA-н тэргүүн
тоглогч, Беларусын Азаренка, хоёрт эрэмбэлэгдэж буй Польшийн Радванска
нарыг л хожиж үзээгүй байна. Керберийн дараагийн учраа нь Беларусын Олига Говорцоватай (67) оноолт таарчээ.

Гуравдугаар тойрогт чансааны хоёрт эрэмбэлэгдэж буй Польшийн Агнешка Радванска Сербийн Елена Янковичтай (30), АНУ-ын Серена Уильямс (4) ОХУ-ын Екатерина Макароватай (42), ОХУ-ын Мария Шарапова цагаан хуудсаар оролцож буй АНУ-ын Малори Бердетт нарын олон сонирхолтой тоглолтууд өрнөх ажээ.

Харин эрэгтэйчүүдийн хувьд хоёрдугаар тойргийн тоглолт хараахан дуусаагүй байна.

Чансааны тавд эрэмбэлэгдсэн Францын Жо Вильфрид Цонга ялагдал хүлээснээр эхний шуугианыг тариад байна. Энэ жилийн “Уимбльдон”-ы хагас шигшээд шалгараад байсан түүнийг “US OPEN”-д нилээд дээгүүр тоглох магадлалтай гэж таамаглаж байсан боловч тэрбээр хоёрдугаар тойргоос тэмцээнийг дуусгалаа. ATP чансааны 52-т эрэмбэлэгдэж буй Словакийн Мартин Клизан 4:6, 6:1, 6:1, 6:3-аар Цонгаг буулган авснаар “Их дуулга”-ын хамгийн өндөр амжилтаа үзүүлээд байна. Клизан дараагийн тойрогт Францын теннисчин Жереми Шардитэй (32) оноолт таарчээ.

Гуравдугаар тойрогт чансааг тэргүүлж буй Швейцарийн Рожер Федерер Испаний Вердаско (25), АНУ-ын Мэрди Фиш (23) Францын Симон (16) нарын шилдэгүүд учраа таараад байна. Харин Японы тэргүүн теннисчин Нишикори (17) чансааны 12-т эрэмбэлэгдэж буй Хорватын теннисчинтэй оноолт таарчээ.

Эрэгтэй болон эмэгтэйчүүдийн хосын төрлийн хоёрдугаар тойргийн тоглолтууд эхэлж байна.

131 дэх жилдээ зохиогдож буй тус тэмцээний шагналын сан 24 сая ам.долларт багтаж байна.

ГАНЦААРЧИЛСАН ТӨРӨЛ:  (эрэгтэй, эмэгтэй тус бүр):
Аварга: 1 сая 900 мянган ам.доллар
Дэд аварга: 950 мянган ам.доллар
Хагас шигшээ (2): 475 мянган ам.доллар
1/8-ийн шигшээ (4): 237 мянган ам.доллар
1/16-ийн шигшээ (8): 120 мянган ам.доллар
3-р тойрог (16): 65 мянган ам.доллар
2-р тойрог (32): 37 мянган ам.доллар
1-р тойрог (64): 23 мянган ам.доллар

ХОСЫН ТӨРӨЛД (Эрэгтэй, эмэгтэй тус бүр):
Аварга: 420 мянган ам.доллар
Дэд аварга: 210 мянган ам.доллар
Хагac шигшээ (2): 105 мянган ам.доллар
1/8-ийн шигшээ (4): 50 мянган ам.доллар
1/16-ийн шигшээ (8): 26 мянган ам.доллар
2-р тойрог (16): 16 мянган ам.доллар
1-р тойрог (32): 11 мянган ам.доллар

ХОЛИМОГ ХОСЫН ТӨРӨЛД:
Аварга: 150 мянган ам.доллар
Дэд аварга: 70 мянган ам.доллар
Хага шигшээ: 30 мянган ам.доллар
1/8-ийн шигшээ (4): 15 мянган ам.доллар
2-р тойрог (8): 10 мянган ам.доллар
1-р тойрог (16): 5 мянган ам.доллар