Японы шүүх өнөөдөр Apple, Samsung-ын зохиогчийн эрхийг зөрчсөн хэргийн маргааныг авч хэлэлцжээ. Токиогийн дээд шүүхийн мэдэгдсэнээр өмнөд Солонгосын Samsung компанийг Apple-ийн патентийг хуулбарлаагүй хэмээн үзсэн байна.

Тус хоёр компанийн зарга АНУ-ын шүүхээр хэлэлцэгдэж Samsung компанийг Apple-ийн зохиогчийн эрхийн зөрчсөн гэж үзэн 1.05 тэрбум ам.долларыг өрсөлдөгчдөө төлөх хэрэгтэй хэмээн шийдвэрлэсэн. Харин БНСУ-ын шүүхээр Apple-ийг зохиогчийн эрх зөрчсөн хэмээн буруутгасан юм. Ийнхүү дэлхийн зах зээл дээр гар утас үйлдвэрлэлтээрээ тэргүүн эгнээг эзлэх компанинудын дээрх маргаан цаашид ч үргэлжлэх төлөвтэй гэсэн шинжээчдийн дүгнэлт биелэлээ олж байгаа бололтой.