Тэгш тоотой жилд Олон улсын шатрын холбооноос зохион байгуулдаг дэлхийн шатрын 40-р олимпиад Туркийн Истанбул хотноо наймдугаар сарын 27-ноос есдүгээр сарын 10-ны хооронд үргэлжлэн явагдана. Манай улсын эрэгтэй баг 150 орноос 84-т, эмэгтэй баг 120 орноос 21-т эрэмбэлэгдсэн байна.

Тэмцээний эхний өдөр эмэгтэй баг Туркийн 2-р багийг 2.5:1.5-аар хожоод байсан бол өчигдөр Английн багийг 4:0-оор хожсон байна. Харин эрэгтэй багийн хувьд эхний тойрогт Фижи арлын багтай хийж 4:0-ээр хожсон бол, өчигдөр Арабын нэгдсэн Эмират улсын багтай 2:2-оор тэнцжээ. Энэхүү тоглолтод Олон улсын их мастер Ц.Батчулуун учраагаа ялсан бол, ФИДЕ-гийн мастер Г.Мөнхгал, М.Гүнбаяр нар тэнцсэн байна.

Эмэгтэй баг: Монгол-Англи (4:0)

Эрэгтэй баг: АНЭУ -Монгол (2:2)

Наймдугаар сарын 28

Эрэгтэй баг: Монгол-Фижи арал (4:0)

Эмэгтэй баг: Монгол-Турк (2.5:1.5)

Гуравдугаар өрөгт эмэгтэй баг ОХУ-ын багтай, эрэгтэй баг Австралийн
багтай оноолт таарсан байна. Өнөөдрийн тоглолт монголын цагаар 20.00
цагаас эхэлнэ.