МУ-ын Засгийн газраас хэрэгжүүлж буй “Үйлдвэрлэгч өрх-2012” хөтөлбөр Сэлэнгэ аймагт амжилттай хэрэгжиж байна. Хөтөлбөрийн хүрээнд амьжиргааны баталгаажих түвшингээс доогуур орлоготой өрхүүдийн орлогыг нэмэгдүүлэх, ажлын байраар хангах зорилгоор  1600,0 сая төгрөг хуваарилсныг төсөл шалгаруулан олгожээ. Аймгийн хэмжээнд иргэд, иргэдийн бүлэг, нөхөрлөл хоршооноос нийтдээ 597 төсөл ирүүлснээс 244 төсөл нь дэмжигдсэн байна. Дэмжигдсэн төслүүдэд 1529,5 сая төгрөгийн санхүүжилт олгож, 238 ядуу өрхийн 273 иргэн ажлын байртай болоод байна.