Чуулганы дараа Байнгын хороод хуралдана

Хуучирсан мэдээ: 2012.08.29-нд нийтлэгдсэн

Чуулганы дараа Байнгын хороод хуралдана

УИХ-ын ээлжит бус чуулганы нээлтийг 10.00 цагаас хийсний дараа хэд, хэдэн байнгын хороодыг хуралдуулахаар төлөвлөсөн байна. Тодруулбал, 11.00 цагт “А” танхимд Эдийн засгийн байнгын хорооны хуралдаан эхэлж, ажлын хэсэг байгуулах асуудлыг хэлэлцэх бол мөн дээрх цагт Хууль зүйн байнгын хорооны хуралдаан 11.00 цагаас “Б” танхимд болж  Шүүхийн захиргааны тухай хуульд хэсэгчлэн тавьсан Ерөнхийлөгчийн хориг, Шүүх байгуулах тухай хуульд нэмэлт, өөрчлөлт оруулах тухай хуулийн төсөл, Шүүгчийн орон тоо тогтоох тухай, Тогтоолын хавсралтад нэмэлт оруулах тухай Улсын Их Хурлын тогтоолын төслүүдийн хэлэлцэх эсэхийг шийдвэрлэнэ.

Нийгмийн бодлого, боловсрол, соёл, шинжлэх ухааны байнгын хорооны хуралдаан 11.30 цагаас “В” танхимд эхэлж Нийгмийн даатгалын тухай хуульд нэмэлт, өөрчлөлт оруулах тухай, Нийгмийн халамжийн тухай хуульд нэмэлт, өөрчлөлт оруулах тухай хуулийн төслүүдийн хэлэлцэх эсэх, Дэд хорооны даргыг сонгох тухай асуудлыг тус бүр хэлэлцэн шийдвэрлэх аж. Харин 14.30 цагт Төрийн байгуулалтын байнгын хорооны хуралдаан “А” танхимд болж  Аймаг, сум, дүүргийн иргэдийн Төлөөлөгчдийн Хурлын сонгуулийн тухай, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд нэмэлт, өөрчлөлт оруулах тухай, Иргэний бүртгэлийн тухай хуульд нэмэлт, өөрчлөлт оруулах тухай, Орон нутгийн Хурлын сонгуулийн тухай хууль хүчингүйд тооцох тухай хуулийн болон Улсын Их Хурлын тогтоолын төслүүдийн хэлэлцэх эсэхийг шийдвэрлэнэ.

Г.Дарь
NewsMN Гар утасны хувилбар Татах
NEWS.mn

Мэдээллийн эх сурвалж