Агаарын бохирдлыг бууруулах Үндэсний хорооны дарга П.Цагаан өнөөдөр 11.00 цагаас Чингэлтэй дүүргийн уулзалтын танхимд дүүргүүдийн засаг дарга нартай уулзана.

Хүйтэн сэрүүний улирал эхэлж буйтай холбогдуулан дүүргүүдийн засаг дарга нартай уулзан агаарын бохирдлын эсрэг авах арга хэмжээнүүдийн бэлтгэл ажилтай танилцах юм байна.

Уулзалтад мөн Нийслэлийн засаг дарга бөгөөд Улаанбаатар хотын захирагч Э.Бат-Үүл, Нийслэлийн засаг даргын орлогч Б.Пүрэвдаваа нар оролцоно.