Монгол Улс энэ жил 18-19 мянган тонн ноос хураан авах төлөвлөгөөтэйгээс одоогийн байдлаар уг ажил 60-70 хувьтай буюу 12 мянган тонныг татаж аваад байгаа талаар Мал хамгаалах сангаас мэдээлж байна. Энэхүү бэлтгэсэн ноосны 80-90 хувийг дотоодын үндэсний үйлдвэрүүд авах гэнэ. Малчид ноосны урамшууллаа “Хүний хөгжил сан”-гаар дамжуулан хүлээн авах бөгөөд энэ сарын 1-ний дотор материалаа Сумын мал эмнэлэг, үржлийн тасагт өгөх юм байна. Харин тухайн аймаг нь малчдын материалыг 10 дугаар сарын 1-ний дотор Мал хамгаалах санд ирүүлснээр малчид урамшууллаа энэ ондоо багтааж авах ажээ.

Ийнхүү урамшуулал олгох хөрөнгө санхүүгийн тухайд улсын төсвөөс өнгөрсөн жил 4925 тонн ноосонд 9.8 тэрбум төгрөг олгосон бол энэ жил ноосны урамшуулалд зориулж 20 тэрбум төгрөг зарцуулах юм байна.