УИХ-ын ээлжит бус чуулганаар Олон нийтийн радио, телевизийн Үндэсний зөвлөлийн бүрэн эрхийн хугацаа дууссан зарим гишүүдийг нөхөн томилох асуудлыг хэлэлцэхээр төлөвлөсөн байна.

Олон нийтийн радио, телевизийн тухай хуулийн 21 дүгээр зүйлийн 21.4-д заасны дагуу эрүүл мэнд, гадаад харилцаа, биеийн тамир, спорт, хөдөлмөр, нийгмийн хамгааллын гэсэн дөрвөн чиглэлээр үйл ажиллагаа явуулдаг төрийн бус байгууллагууд тухайн чиглэлээр мэргэшсэн хүний нэрийг дэвшүүлэн УИХ-д ирүүлэх шаардлагатай аж.

Ингэхдээ Олон нийтийн радио, телевизийн Үндэсний зөвлөлийн гишүүнд нэрийг нь дэвшүүлж байгаа хүмүүсийнхээ материалыг ирэх есдүгээр сарын 5-ны дотор багтаан УИХ-ын Төрийн байгуулалтын байнгын хороонд материалаа ирүүлэх ёстой юм байна.