Дорнод аймгийн таеквондогийн “ZEREN” холбооноос энэ сарын 21 нд зохион явуулсан “DORNOD CUP OPEN-2012” Цомын төлөөх таеквондогийн анхдугаар нээлттэй тэмцээн Дорнод бөхийн өргөөнд амжилттай болж өндөрлөжээ. Тэмцээнд Улаанбаатар хот, Дархан, Сэлэнгэ, Өвөрхангай, Багануур, Орхон зэрэг аймгууд болон сум орон нутгийн нийт 14 багийн 160 гаруй тамирчид оролцож авхаалж самбаа, ур чадвараа сорин өрсөлдсөн байна. Тэмцээн ганцаарчилсан тулаан /Өсвөр нас, насанд хүрэгчид/, Пүмсэй тулаан /эрэгтэй, эмэгтэй өсвөр нас, насанд хүрэгчид/, багийн тулаан /өсвөр насны эрэгтэй/ гэсэн 3 төрлөөр зохион байгуулагджээ. Тэмцээний ганцаарчилсан тулааны төрөлд: 1-р байр Дорнод аймгийн шигшээ баг, 2-р байр Улаанбаатар хотын “Арслан” клуб, 3-р байр  УБ хотын “Олимп” клуб эзэлжээ. Багийн тулааны төрөлд : 1-р байр Дорнод аймгийн 1-р баг, 2-р байр УБ хотын “Олимп” клуб, 3-р байр Дорнод аймгийн 2-р баг тус тус шалгарчээ.