Их, дээд сургуулиудын захирлууд 2012-2013 оны хичээлийн жилийн сургалтын төлбөрийг 20-25 хүртэл хувиар нэмэх саналаа БШУ-ы сайд Л.Гантөмөр тавиад байсан. Энэ асуудлаар өчигдөр сайд Л.Гантөмөр төрийн өмчийн их, дээд сургуулийн санхүү хариуцсан захирлуудыг өчигдөр хүлээн авч уулзжээ. Хурлын үеэр Их, дээд сургуулийн удирдлагууд багш нарынхаа цалинг нэмэхийн тулд сургалтын төлбөрийг нэмэн 1.6 сая төгрөг болгох шийдвэр гаргаснаа илэрхийлсэн байна.

Уулзалт нэлээд удаан үргэлжилсний эцэст сургалтын төлбөрийг 10 хувиар нэмэхийг зөвшөөрч, энэ нэмэгдлээрээ багш нарынхаа цалинг нэмэхэд зарцуул гэх шийдвэрийг Л.Гантөмөр сайд гаргажээ.